ಸೂಫಿಯ ಕಣ್ಣೀರು

ಸೂಫಿ ನೀ ಅಳುವ ಮುನ್ನ
ನನಗೂ ಹೇಳಲಿಕ್ಕಿದೆ
ಆಕೆ ಬರೀ ಅಭ್ಯಾಗತಳಷ್ಟೇ

ಸವಿನಯದ ನಿನ್ನ ಸವಿ ನೋಟ ಸವಿಯಲು
ಸಹಜಾತರಿಗಷ್ಟೆ ಸಾಧ್ಯ ಸೂಫಿ
ಸಾಧ್ಯವಾದರೆ ಅಚಲಿತವಾದ
ಸಾಗರವನ್ನು ಪ್ರೀತಿಸಿ
ಮೊಹಬ್ಬತಿನಿಂದ ಇಬಾದತ್ತಿನೆಡೆಗೆ
ಹೊರಟರೆ ಅಂಗೈ ತೊಳೆಯಲು
ಆಳಕ್ಕಿಳಿದಷ್ಟು ಮೇಲಕ್ಕೇರಲು ಸಾಧ್ಯವಾದಿತು,
ಆಳವೆಷ್ಟಿದ್ದರೂ ನಿನ್ನ ಲೋಪ ಬಯಸಲಾರದು
ಎಲ್ಲಾದರೂ ಚಲಿಸ ಬಯಸಿದರೂ
ದಡ ಸೇರುವುದಕ್ಕೆ ಕಾಯುತ್ತಿರುತ್ತದೆ

ನನಗೂ ತಿಳಿದಿವೆ ಸೂಫಿ
ಅಳು ಬಂದಾಗೆಲ್ಲಾ
ನೀನು ಸಾಗರದೊಳಗೆ ಸೇರಿ
ಬಿಕ್ಕಿ ಬಿಕ್ಕಿ ಅಳುವೆ,
ನಿನ್ನ ಕಣ್ಣೀರಿನ ಪರಿಚಯ
ಸಾಗರದೊಳಗಿನ ನೀರಿಗೆ ಮಾತ್ರ

ಸೂಫಿ ನನಗಿಂತೂ ನಿನ್ನನ್ನು ನೋಡಿದು
ಆಗಸದ ನಕ್ಷತ್ರವು, ಸಾಗರದ ಮುತ್ತು ರತ್ನಗಳೇ
ಕಾರಣ ಅಮಾನಷ್ಯ ಹೃದಯಕ್ಕೆ
ನೀನು ಅಮಾನಷ್ಯನಾಗಿ
ಕತ್ತಲಾದರೆ ನಕ್ಷತ್ರದೊಂದಿಗೆ
ಬೆಳಕಾದರೆ ಸರಿ ಸಾಗರಕ್ಕಿಳಿದು
ಮುತ್ತಿನೊಂದಿಗೆ ಮೊಹಬ್ಬತ್ತನ್ನು ಹಂಚುವೆ

ಹರಿವಿಯಲ್ಲಿ ಹರಿಯುವ
ಸೂಫಿಯ ಕಣ್ಣೀರು
ಕುಡಿಯಲು ಬಂದ ನೊಣ
ಹೀರಿದ್ದು ಒಂದು ಹನಿಯಷ್ಟೆ ಸೂಫಿ!
ನೊಣ ಸಾವು ಬದುಕಿನ ನಡುವೆ
ಹೋರಾಡುತ್ತಿದೆ
ಸಹನೆಯಿಲ್ಲದ ಅಭಾಗ್ಯಳಿಂದ
ಕೋಪಗೊಂಡ ಕಣ್ಣೀರು ಸುಡುತ್ತಿದೆ
ನೊಣಕ್ಕೆ ಸಾವೇ ಗತಿ...

-ಆಮಿರ್ ಬನ್ನೂರು