ನಿತ್ಯ ಸಂಜೀವಿನಿ

ಅಮ್ಮನಿಗೀಗ ತುಂಬಾ ಪುರುಸೊತ್ತು
ತಲೆ ಸವರಿ ದೇಖರೇಕೆ ವಿಚಾರಿಸಿ
ಹೂ ಮುತ್ತ ನೀಡುವಳು
ನಿತ್ಯ ಕನಸಿನಲ್ಲಿ ಬಂದು.

ಕಣ್ಮನ ತಂಪಾಗಿಸಿ
ಸುಖ ನಿದ್ದೆ ಭರಿಸುವ ಅಮ್ಮನಿಗೆ
ಇದುವರೆಗೂ ಬದುಕಿರುವ ನಾನು
ಏನು ಕೊಟ್ಟೇನು?

ಊಹೂಂ, ಸಾಧ್ಯವೇ ಇಲ್ಲ
ಏನು ಕೊಟ್ಟರೂ ಋಣ ತೀರಿಸಲಾಗದು
ಅಮ್ಮ ಎಂದರೆ ಎಲ್ಲರಿಗೂ ಹಾಗೆ
ನಿತ್ಯ ಸಂಜೀವಿನಿ.

ಜೀವಿತಾವಧಿ ಮುಗಿಯುವವರೆಗೂ
ನಿತ್ಯ ಶಿರಬಾಗಿ ಪಾದಸ್ಪರ್ಷ ಮಾಡಿ
ಕರ ಮುಗಿದು ನಮಿಸುತ್ತಿದ್ದರೆ
ಅದೇ ತೃಪ್ತಿ ನನಗೆ.

ಎಡೆಬಿಡದೆ ನೆನಪಾಗುವಳು ಅಮ್ಮ
ಅಮ್ಮಾ ಎಂದು ಜೋರಾಗಿ ಕೂಗಿ ಬಿಡಲೇ....

-ಗೀತಾ ಜಿ ಹೆಗಡೆ ಕಲ್ಮನೆ