ಮಣ್ಣಿನ ಮಕ್ಕಳ ಕೊಳ್ಳಿಗಿ ಗೋಣಿ ಚೀಲ 

ಬ್ಯಾನಿಗಳ ಬಜಾರದಾಗ
ಗುಳಿಗಿಗಿ ಹೋಗ ರೋಗಕ್ಕ
ಕೂಸಿನಂಗ ಎಸಿ ಒಳಗ ಇಟ್ಟ
ಸೋಸಿ ನೆತ್ತರ ಕುಡಿಯೊ ಕಾಲ

ಅಂಗಾಲನ ಆನಿ ಅಳುಕಿದಂಗ
ಇದ್ದೋರು ಇಟ್ಟ ಕೂನ
ಅಡಕಲ ಗಡಿಗಿ ಸಂಧ್ಯಾನ ಕೈ
ತಿಪ್ಪಲಕ್ಕ ಕೂಡಿಟ್ಟ ರೊಕ್ಕಕ
ಮಣ್ಣಿನ ಮಕ್ಕಳ ಕೊಳ್ಳಿಗಿ ಗೋಣಿ ಚೀಲ
ಚಿಮಣದ ಬೆಳಕಿಗಿ ಕರಿ ನೆರಳು

ಓಣಿ ಮನಿಯೊಳಗಿನ ಪುಟ್ಯಾನ ರೊಟ್ಟಿ ಬುಸ್ರು
ಗೂಟದ ಕಾರ್ ಟೈರಿನ ದೂಳಿಗಿ
ಬಡವರ ಹೆಣಗಳ ಮ್ಯಾಲ ನಾರಕತ್ಯಾವ
ದಣಿಗಳ ಹಾದರದ ಹಾರ

ತುತ್ತ ಕುಳಿಗೂ ಸುಂಕದ ಕುಲಾಯಿ
ಬಣಚಿ ಹಾಕಿದ ಖಂಡಕ ದೀವಟಗಿ
ಶನಿ ಹೊತ್ತ ಜಿಂಕಿ ಬೆನ್ನ ಹತ್ಯಾರ
ಪರಿಯಣದಾಗಿನ ಬಾನ ಬಿಟ್ಟು

ಬೆರಕಿ ಮಂದಿ ಕೈಯಾಗ ಸಿಟಿ
ಶೋಕಿ ಪಕಿರಪ್ಪನ ಕೈಯಾಗ ಲಾಠಿ
ಕಾಲು ಎಷ್ಟಾದರೂ ಓಡ್ಯಾವು
ತೆಲೆಯರ ಎಷ್ಟು ಓಡಿತು

ಜಂತಿ ಇಲ್ಲದ ಮ್ಯಾಳಗಿ ಮ್ಯಾಗ
ಟಿವೆಂಕಿ ಅಳತಾ ಕುಂತಾದ
ಕಾಗಿ ಬಳಗ ಕೂಗಿ ಹೇಳ್ಯಾದ
ಹಗೆತನ ಬಿಡ್ರಿ ದೇಶ ಕಟ್ಟರಿ

ಪಿ. ನಂದಕುಮಾರ್