ಮನದ ಮಾಳಿಗೆ

ಅರಿತಷ್ಟೂ ಜಟಿಲವೆನಿಸುವ
ಅದೆಷ್ಟೋ ಭಾವನೆಗಳು..!!
ಕೈ ಚಾಚಿದಷ್ಟು ದೂರ ಸರಿಯುವ
ಅದೆಷ್ಟೋ ಬಂಧಗಳು...!!
ಮನದ ಮಾಳಿಗೆಯಲ್ಲಿ
ನೆಲೆಸಿಬಿಟ್ಟಂತೆ...!!
ಆಗಾಗ ಸಹನೆ ಮೀರಿ
ಕಂಗಳಲಿ ಸೋರುವಂತೆ...!!

ಸೋರಿಹೋದರು ಉಳಿದುಬಿಡುವ
ಕಡೆಯ ಚೂರು...!!
ಸೋತು ಹೋದರೂ ನಿತ್ಯ ಚಿಗುರುವ
ಉಳಿದ ಬೇರು..!!

ಸರಿದಾರಿಯಲ್ಲೂ ದಿಕ್ಕುತಪ್ಪುವ
ಬಾಂಧವ್ಯಗಳು...!!
ಸಲಿಲ ಸ್ಪರ್ಶದಲ್ಲೂ ಸಿಡಿದೇಳುವ
ಬೆಂಕಿ ಕಿಡಿಗಳು...!!

ಸಿಡಿದ ಬೆಂಕಿ ಕಿಡಿಗಳು
ಮನದ ಮಾಳಿಗೆಯನ್ನು
ಸುಟ್ಟು ಬಿಡುವಂತೆ...!!
ವೇದನೆಯ ತಾಪದಲಿ
ಇಲ್ಲಣದ ಕುರುಹು ಸೂರಿನಲ್ಲಿ
ಉಳಿದು ಬಿಡುವಂತೆ...!!

✍️ ಶೋಭಾ ಸಾಗರ್