ಗಂಜಿಗೆ ನಂಜು

ಪಾಪದ ಕೂಪಕೆ ನೆಪದ ಚಾಪೆ
ಸಾಕುವ ಕಾಲಿಗೆ ರಾತ್ರಿಯ ಪಾಳಿ
ಸಾಕ್ಷಿಗೆ ಬೇಕಿದೆ ದಾಖಲೆ ಮೊತ್ತ

ಸೊಗಸಿನಾಟಕ್ಕೆ ಸಾವಿರ ಜನ
ಸೂತಕದ ಊಟಕ್ಕೆ ಮೂರೇ ಜನ
ಆಟ-ಕೂಟಗಳಿಗೆ ನಿರ್ಬಂಧದ ಗೂಟ

ಮುಟ್ಟಿದರೆ ತಟ್ಟಿತು
ಅಪ್ಪಿದರೆ ಆಪತ್ತು
ಬೆಪ್ಪನಂತೆ ನಿಂತವನಿಗೆ ಆಯಸ್ಸು

ಅಂತರ ನಿರಂತರ
ಹಿಂದೊಂದಿತ್ತು ಮುಂದೊಂದಾಗಿ ಬಂತೂ,
ಭಯ ಅಭಯಗಳ ಮಧ್ಯ ಪದಗಳಿಗೆ ಕುತ್ತು ಬಂತು.

ಅತ್ತ ಇತ್ತ ಎತ್ತ ನೋಡಿದರೂ ಅದರದೇ ಚಿತ್ತ
ಗಂಜಿಗೆ ನಂಜು ಬತ್ತು
ತಂದವರು ಮನೆಯಲ್ಲಿ ತರದವರು ಬೀದಿಯಲ್ಲಿ

ಗಂಗಾ ದಡದಲ್ಲಿ ಬಂಗಿಯ ಪಡೆ
ವಾರಸು ಇಲ್ಲದ ಸಾವಿರ ಸಮಾಧಿ
ಆರತಿ ಹೊತ್ತಿಗೆ ಸೂತಕದ ಒತ್ತಿಗೆ