ಅವಳ ಹೆಸರು

ಅವಳ ಹೆಸರು ತುಂಬಸೊಗಸು
ಹೇಳಲಾರದೆನ್ನ ಮನಸು
ಅವಳ ಮನಸೋಜೇನಿಗಿಂತಮಧುರ
ಹವಳಕಿಂತ ಕೆಂಪು ಅವಳ ಅಧರ

ಅವಳ ನಗುವ ಕಂಡು ಬಿರಿಯುತೊಂದುತಾವರೆ
ತನ್ನ ಸಾಟಿ ಸಾಗದೆ
ನಾಚಿತದು ಕೆಂದಾವರೆ

ಜೋಡಿ ಜಡೆಯ ಜಗದಂಬ
ನೋಡಿ ನಡೆಯ ಕಣ್ಣತುಂಬ
ಕೋಡಿ ಒಡೆಯೆ ಹರುಷವೆಂಬ
ಹೊನಲು ಹರಿಯೆ ಮನದ ತುಂಬ

ಅವಳಿಗಂತು ಮಹಾ ಜಂಬ
ಇದ್ದರಿರಲಿ ರೂಪ ತುಂಬ
ನನ್ನನೊಮ್ಮೆ ನೋಡಲೆಂಬ
ಕರೆಗೆ ಮೊರೆಗೆ ಕೊಡಳು ಇಂಬ

ನನ್ನ ನೊಮ್ಮೆ ನೋಡಿ ನಕ್ಕುಬಿಡಲಿ
ಧರಿಸುತದನು ಹೃದಯದಲಿ-. ಸ್ಮರಿಸುತದನು ಮುದದಲಿ
ಬಾಳುವೆನು ಉತ್ಸಾಹದಲಿ

- ಸಚ್ಚಿದಾನಂದ ಕೆ.ಎಸ್‌