ಅರಿವಾಗುತ್ತಿದೆ

ಅರಿವಾಗುತ್ತಿದೆ
ಸರಿದಾರಿ ಯಾವುದೆಂದು
ಬಸವಳೆದು ನಿಂತಮೇಲೆ

ಎಷ್ಟೆಲ್ಲಾ ಕಂದಕಗಳ ದಾಟಿ
ಅಜ್ಞಾನ ಕೋಟೆ ಹೊಡೆದು
ಆಕಾಶ ನೋಡಲು ನೂಕು ನುಗ್ಗಲಿನಲಿ ನಿಂತು
ಮೌನದಲಿ ಹೂತುಹೋಗಿ ಕೊಳೆತು
ಕೊನೆಗೂ ಮೊಟ್ಟೆಯೊಡೆದು ಹೊರಬಂದ ಮೇಲೆ

ಸಾಗರದಲೆಗಳ ತಂಪು ಗಾಳಿಯ ಯಾರಿಗೋ ಬೀಸಿ
ಉಗುಳಿದ ಉಚ್ಚಿಷ್ಟವ ಕಣ್ಮುಚ್ಚಿ ಮೂಸಿ
ಬೆತ್ತೆಲೆಯಲಿ, ಉಂಡು ಬಿಸಿಟ ಎಲೆಗಳಮೇಲೆ ಹೊರಳಾಡಿ
ಕತ್ತಲೆಯಲ್ಲಿ ಬಿಕ್ಕಳಿಸಿ ಮಿಡುಕಾಡಿ
ಒಂದು ಆಶಾಕಿರಣ ಕಂಡ ಮೇಲೆ

ಓಡುವುದೇ ಆಯಿತು ಕತ್ತಲ್ಲಿ ನೊಗ ಹೊತ್ತು
ಸಿಕ್ಕ ಅಲ್ಪಭಾಗಕ್ಕೆ ಕಾಣಿಕೆಯ ಇತ್ತು
ಅಕ್ಕರೆ ಏನೆಂದು ಅರಿಯದೆ
ಮೈಯೆಲ್ಲಾ ಕಿವಿಯಾಗಿಸಿ ಯಾರದೋ ದನಿಗೆ
ಕಣ್ಣಮುಚ್ಚಿ, ತೆರೆದಾಗ ಮಾಯವಾದ ಲೋಕವ ಕಂಡು

ಅರಿವಾಗುತ್ತದೆ
ಹೊಸದಾರಿ ಒಂದಿದೆ ಎಂದು
ಕಲ್ಲು-ಮುಳ್ಳಾದರೂ, ಏರುದಿಬ್ಬವಾದರೂ
ಹಸನಾಗಬಹದು ಬಾಳು
ಸಸಿಯು ಮರವಾಗದೆ, ಹೊಸಗಾಳಿ ಬೀಸಿ
ಸ್ವಾಭಿಮಾನವ ಹಾಸಿ ಮುನ್ನಡೆದರೆ
ತೆರೆದುಕೊಳ್ಳದೆ ಹೊಸಜಗ?

-ಎಂ.ವಿ.ಶಶಿಭೂಷಣ ರಾಜು