ಭಿನ್ನತೆಯ ಭಾದೆ

ಒಳಗಣ್ಣಿಗೆ ಕಾಣುವ ದೃಷ್ಟಿಯೇ ಬೇರೆ
ಬರಿಗಣ್ಣಿಗೆ ಕಾಣುವ ರಂಗುರಂಗಿನ
ದೃಶ್ಯಾವಳಿಗಳ ನೋಟಕ್ಕಿಂತ ವಿಭಿನ್ನ

ಒಳಗಿವಿಗೆ ಕೇಳುವ ಗೂಢಾರ್ಥವೇ ಬೇರೆ
ಮೋಡಿಮಾತಿನ ಸಾಂಧರ್ಬಿಕ
ಧನಿಗಳು ಸೂಸುವ ನಿಜಾರ್ತ ವಿಭಿನ್ನ

ಒಳನಾಲಗೆಗೆ ರುಚಿಸುವ ಬಗೆಯೇ ಬೇರೆ
ತೋರಿಕೆಯ ಕಾಟಕ್ಕೆ ಸೆಳೆವ
ತಿನಿಸಿನ ಹಿಂದಿನ ಸಾರ ವಿಭಿನ್ನ

ಮನಸಿಗೆ ಒಳಹೊರಗು ಎಂಬುದಿಲ್ಲ
ಹೊರಗಿನದೆಲ್ಲವೂ ಒಳನುಸುಳುತ್ತವೆ
ಒಳಗಿನದೆಲ್ಲವೂ ಹಾಗೇ ಹೊರಬರುವುದು
ಕೆಲವು ಹೊರಬರುತ್ತವೆ ನಿರ್ಭೀತಿಯಿಂದ
ಮತ್ತೆ ಕೆಲವು
ಬೆದರು ಗೊಂಬೆಯ ನೆನೆದು ಬೆಚ್ಚಿದಂತೆ
ಒಳಗೇ ಉಳಿದು ಕುಲುಕಾಡಿ
ಅಂತಃಕರಣವ ಗುದ್ದಿ ಅಂತರ್ಮುಖಿಯಾಗಿಸುತ್ತವೆ

- ಕೆ ಎಸ್ ಗಂಗಾಧರ