ಬೆಂಗಳೂರು: ಕರ್ನಾಟಕ ನಾಟಕ ಅಕಾಡೆಮಿಯು ಮೂರು ವರ್ಷಗಳ ವಾರ್ಷಿಕ ಪುಸ್ತಕ ಬಹುಮಾನಗಳನ್ನು ಈಗಾಗಲೇ ಪ್ರಕಟಿಸಿದ್ದು, 2021ನೇ ಸಾಲಿಗೆ ಸಾಹಿತಿ ಬಸವರಾಜ ಸಬರದ ಅವರ 'ರಂಗ ಮಾಧ್ಯಮ' ಕೃತಿ ಆಯ್ಕೆಯಾಗಿದೆ, 2022ನೇ ಸಾಲಿಗೆ ಬೆಂಗಳೂರಿನ ಟಿ.ವಿ. ವೆಂಕಟೇಶಮೂರ್ತಿ ಅವರ 'ಕನ್ನಡ ನಾಟಕಗಳು ರಾತ್ರಿ ರೂಪಕಗಳು' ಹಾಗೂ 2023ನೇ ಸಾಲಿಗೆ ಮೈಸೂರಿನ ರಾಮೇಶ್ವರಿ ವರ್ಮ ಅವರ 'ಬಿಟ್ಟನೆಂದರು ಬಿಡದು ಈ ಮಾಯೆ' ಕೃತಿ ಆಯ್ಕೆ ಆಗಿದೆ.

ಅತ್ಯುತ್ತಮ ರಂಗ ಕೃತಿಗಳಿಗೆ ಈ ಪ್ರಶಸ್ತಿ ನೀಡುತ್ತಾ ಬಂದಿದ್ದು, ಈ ಬಹುಮಾನಗಳು ತಲಾ 25 ಸಾವಿರ ನಗದು ಬಹುಮಾನ ಒಳಗೊಂಡಿವೆ.

ಜಿ.ವಿ. ಆನಂದಮೂರ್ತಿ, ಬಿ. ಸುರೇಶ್ ಮತ್ತು ಹೇಮಾ ಪಟ್ಟಣಶೆಟ್ಟಿ ಅವರನ್ನು ಒಳಗೊಂಡ ಸಮಿತಿ ಈ ಆಯ್ಕೆ ಮಾಡಿದೆ ಎಂದು ಅಕಾಡೆಮಿ ಅಧ್ಯಕ್ಷ ಕೆ.ವಿ. ನಾಗರಾಜಮೂರ್ತಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.