"ನೆನಪಿನ ಪುಟಗಳು" ಕೃತಿಯ ಬಗ್ಗೆ ಟಿ.ಎನ್. ಸಿತಾರಾಮ್ ಜೊತೆ ಜೊಗಿ (ಗಿರೀಶ್ ರಾವ್ ಹತ್ವಾರ್) ಸಂವಾದ ನಡೆಸಿದರು. ಸಂವಾದದಲ್ಲಿ ಟಿಎನ್ಎಸ್ ಅವರ ಬಾಲ್ಯ, ಸಿನಿಮಾ, ನಟನೆ, ಧಾರಾವಾಹಿ ನಿರ್ದೇಶನ, ಪುಟ್ಟಣ್ಣ ಕಣಗಾಲ್, ಲಂಕೇಶ್ ಜೊತೆಗಿನ ಒಡನಾಟಗಳ ಬಗ್ಗೆ ಜೋಗಿ ಪ್ರಶ್ನಿಸಿದರು.
ಜೊಗಿ:- ನೆನಪಿನ ಪುಟಗಳು ಬರೆಯಬೇಕು ಅನ್ನೀಸಿದ್ದು ಯಾಕೆ?
ಟಿಎನ್ಎಸ್:- ಸ್ನೇಹಿತರು ಸಿಕ್ಕಾಗ ಕೆಲವು ಘಟನೆಗಳನ್ನು ನೆನಪಿಸುತ್ತಿದ್ದರು. ಆಗ ಹೇಳಿದ ಮಾತುಗಳನ್ನು ಬರೆಯುವಂತೆ ಅವರೇ ಒತ್ತಾಯಿಸಿದರು. ಇದರ ಫಲವಾಗಿ ನೆನಪಿನ ಪುಟಗಳು ರೂಪಗೊಂಡಿತು.
ಜೊಗಿ:- ಕೃತಿಯ ಆರಂಭದಲ್ಲಿ ಇದರಲ್ಲಿ ಹೇಳಿರುವುದೆಲ್ಲಾ ಸತ್ಯ, ಎಲ್ಲಾ ಸತ್ಯಗಳನ್ನು ಹೇಳಿಲ್ಲ ಅಂತ ಬರೆದಿದ್ದೀರಿ..?
ಟಿಎನ್ಎಸ್:- ಹೌದು, ಬದುಕಿನ ಎಲ್ಲಾ ಸತ್ಯಗಳನ್ನು ಹೇಳುವುದು ಕಷ್ಟ. ಹಾಗಾಗಿ ಹೇಳ ಬಹುದಾದ ವಿಷಯಗಳನ್ನು ಬರೆದಿದ್ದೇನೆ.
ಜೋಗಿ:- ಹೇಳಬೇಕೆಂದು ಬರೆದು ಹರಿದ ಪುಟಗಳಿವೆಯೇ..?
ಟಿಎನ್ಎಸ್:- ಹೌದು, ಇದೇ 400 ಪುಟ ಮೀರಿದೆ. ಹಾಗಾಗಿ ಆ ಪುಟಗಳನ್ನು ಮುಂದಿನ ಉಳಿದ ನೆನಪಿನ ಪುಟಗಳಲ್ಲಿ ಸೇರಿಸಬೇಕು ಎಂದುಕೊಂದಿದ್ದೇನೆ. ನಿಮ್ಮಂತ ಸ್ನೇಹಿತರ ಒತ್ತಡ ಪುಸ್ತಕ ಬರೆಸುತ್ತಿದೆ.
ಜೋಗಿ:- ನೆನಪಿಗೆ ಅರಿಷಡ್ವರ್ಗಗಳ ಇರೊದಿಲ್ವ?
ಟಿಎನ್ಎಸ್:- ಇರುತ್ತದೆ. ಅವುಗಳು ನೆನಪಿನಲ್ಲೂ ಬರುತ್ತೆ.
ಜೋಗಿ:- ನೆನಪುಗಳನ್ನು ನೆನೆದಾಗ ರಕ್ತ ಕುದಿಯೋದಿಲ್ವಾ?
ಟಿಎನ್ಎಸ್:- ಹಳೆಯ ವಿಚಾರಗಳು ನೆನೆದಾಗ ಆ ಸಂದರ್ಭದ ಮೋಸಕ್ಕೆ, ವಂಚನೆಗೆ ಒಳಗಾದ ವಿಚಾರಗಳು ಕೊಪ ತರಿಸುತ್ತವೆ. ಆದರೆ, ಅಲ್ಲೇ ತಣ್ಣಗಾಗುತ್ತದೆ.
ಜೋಗಿ:- ಸಮಾಜದಲ್ಲಿ ಹಲವು ಪಾತ್ರಗಳನ್ನು ನಿರ್ವಹಿಸಿದ್ದೀರಿ, ಅದೇಕೆ?
ಟಿಎನ್ಎಸ್:- ರಾಜಕಾರಣಿ ರಂಗ ಭೂಮಿ ಕಲಾವಿದ, ಲಾಯರ್ ಹೀಗೆ ನಾನು ಹಲವು ಅನುಭವ ಪಡೆದೆ. ಅದಕ್ಕೆ ಪ್ರಮುಖ ಕಾರಣ ಎಲ್ಲದರಲ್ಲೂ ಸೋಲು ಸಿಕ್ಕಿದ್ದು. ಸೋತಾಗ ಹೊಸದರ ಹುಡುಕಾಟ ಇರುತ್ತೆ. ಫೇಲ್ ಆದಾಗ ಹೊಸದರ ಅನ್ವೇಷಣೆ ಮಾಡುತ್ತಾ ಇಷ್ಟು ಪಾತ್ರ ನಿರ್ವಹಣೆ ಮಾಡಬೇಕಾಯಿತು.
ಜೋಗಿ:- ನೆನಪುಗಳನ್ನು ಬರೆಯುವಾಗ ನಮ್ಮ ಬಗ್ಗೆ ನಾವು ಬರೆಯುವುದಕ್ಕಿಂತ ಬೇರೆಯವರ ಬಗ್ಗೆ ಹೆಚ್ಚು ಹೇಳಿರುತ್ತೇವೆ. ನಿಮ್ಮ ಈ ಪುಸ್ತಕದಲ್ಲಿ ಹಲವು ಪಾತ್ರಗಳು ಬರುತ್ತವೆ. ಕಾಡಿದ್ದು ಯಾವ ಪಾತ್ರ?
ಟಿಎನ್ಎಸ್:- ಎಲ್ಲರೂ ಕಾಡಿದ್ದರಿಂದಲೇ ಬರವಣಿಗೆಯಲ್ಲಿ ಬಂದರು. ಆದರೆ ಅಕ್ಕ ನನ್ನನ್ನು ಯಾವಾಗಲೂ ಕಾಡುತ್ತಳೆ. ಅವಳ ಸಾವು, ಅದರ ಸಿಗದ ಉತ್ತರ, ಪಿಯುಸಿಯಲ್ಲಿ ಅವಳನ್ನು ಕಳೆದುಕೊಂಡ ನೆನಪು ಕಾಡುತ್ತದೆ. ಎರಡನೇ ತಾಯಿ ಆಗಿದ್ದಳು.
ಜೋಗಿ:- ನಿಮ್ಮನ್ನು ಕಾಡುವ ಅಕ್ಕ ನಿಮ್ಮ ಪಾತ್ರಗಳಾಗಿದೆಯಾ?
ಟಿಎನ್ಎಸ್:- ಖಂಡಿತಾ, ನನ್ನ ಧಾರಾವಾಹಿಯಲ್ಲಿ ಬರುವ ಎಲ್ಲಾ ಸ್ತ್ರೀ ಪಾತ್ರಗಳು ನನ್ನ ಅಕ್ಕ ತಂಗಿಯರು.
ಜೋಗಿ:- ಲಂಕೇಶ್ ಮತ್ತು ಪುಟ್ಟಣ್ಣ ಅವರ ಜೊತೆಗಿನ ಒಡನಾಟ ನೆನಪುಮಾಡಿಕೊಳ್ಳುವುದಾದರೆ..
ಟಿಎನ್ಎಸ್:- ಘಾಡವಾದ ಒಡನಾಟ ಇದ್ದದ್ದು ಲಂಕೇಶ್ ಜೊತೆ. ಲಾ ಓದಿ ಕೆಲವರ್ಷಗಳ ನಂತರ ಪುಟ್ಟಣ್ಣ ಸಿಕ್ಕಿದ್ದು. ಹಾಗಾಗಿ ಲಂಕೇಶ್ ಒಡನಾಟ ಹೆಚ್ಚಿತ್ತು. ಯೋಚನೆಯ ಬಗೆ ಲಂಕೇಶರದು, ಚಿತ್ರ ಕಲ್ಪನೆ ಪುಟ್ಟಣ್ಣ ಅವರದ್ದು.