ಸಾಹಿತ್ಯದ ಒಂದು ಪ್ರಕಾರವಾದ ಭಾಷಾಂತರದ ಆಳ ಅಗಲವನ್ನು ಚರ್ಚಿಸುವ ಪುಸ್ತಕ, ಅನುವಾದದಲ್ಲಿ ಗಂಭೀರವಾಗಿ ತೊಡಗಿಸಿಕೊಳ್ಳುವವರಿಗೆ ಹೇಳಿ ಮಾಡಿಸಿದಂತಿದೆ. ಹಿರಿಯ ವಿದ್ವಾಂಸರಾದ ಡಾ. ಪ್ರಧಾನ್ ಗುರುದತ್ತ ಅವರೇ ಕೃತಿಯ ಲೇಖಕರೂ ಆಗಿರುವುದು ಅದರ ತೂಕವನ್ನು ಮತ್ತಷ್ಟು ಹೆಚ್ಚಿಸಿದೆ.
ಭಾಷಾಂತರ ಸೃಜನಶೀಲವೇ ಅಲ್ಲವೇ? ಸೃಜನ ಶೀಲ ಸಾಹಿತ್ಯಕ್ಕೂ ಅನುವಾದದ ಸೃಜನಶೀಲತೆಗೂ ಇರುವ ವ್ಯತ್ಯಾಸಗಳೇನು? ಭಾಷಾಂತರಕಾರ ಮಾಡಿಕೊಳ್ಳಬೇಕಾದ ತಯಾರಿ, ವಿಷಯ, ಹಿನ್ನೆಲೆಯ ಗ್ರಹಿಕೆ ಮುಂತಾದ ತಂತ್ರಗಳನ್ನು ಕೃತಿ ವಿಷದವಾಗಿ ಚರ್ಚಿಸುತ್ತದೆ.
ಲೇಖಕರೇ ಹೇಳುವಂತೆ, ’ಭಾಷಾಂತರ ಕಲೆಯೂ ಹೌದು, ವಿಜ್ಞಾನವೂ ಹೌದು. ಶ್ರೇಷ್ಠ ಮಟ್ಟದ ಭಾಷಾಂತರ ವಾಸ್ತವವಾಗಿ ಒಂದು ಅನುಸೃಷ್ಟಿ..’
ಸಾಹಿತ್ಯ ವಲಯವಷ್ಟೇ ಅಲ್ಲ, ಸರ್ಕಾರದ ಭಾಗವಾಗಿರುವ ಅನುವಾದಕರು, ಪತ್ರಕರ್ತರು ಕೂಡ ಓದಲೇ ಬೇಕಾದ ಕೃತಿ ಇದು.
ಲೇಖಕ, ಅನುವಾದಕ ಪ್ರಧಾನ್ ಗುರುದತ್‌ ಅವರು ಹುಟ್ಟಿದ್ದು 30-05-1938ರಂದು ಚಿಕ್ಕಬಳ್ಳಾಪುರದಲ್ಲಿ. ಮೈಸೂರಿನಲ್ಲಿ ಉನ್ನತ ಶಿಕ್ಷಣ ಪಡೆದ ಅವರು ಕನ್ನಡದಲ್ಲಿ ಎಂ.ಎ.ಆನರ್ಸ್, ಅನುವಾದದಲ್ಲಿ ಎಂ.ಎ., ಜೊತೆಗೆ ಪ್ರೊ.ವೆಂಕಟರಾಮಪ್ಪನವರ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ ಗಳಿಸಿದ್ದಾರೆ. ಪಿಎಚ್.ಡಿ ವಿಷಯವಾಗಿ ಕೃಷ್ಣ ಕಥೆಯ ಉಗಮ ಮತ್ತು ವಿಕಾಸ. ತುಮಕೂರು ವಿಶ್ವವಿದ್ಯಾಲಯದಿಂದ ಡಿ.ಲಿಟ್. ಪದವಿ ಪಡೆದಿದ್ದಾರೆ. ಪಿ.ಎಚ್.ಡಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಮೈಸೂರು ವಿಶ್ವವಿದ್ಯಾಲಯದಲ್ಲಿ ಡಾ. ಕುವೆಂಪು ಕನ್ನಡ ಅಧ್ಯಯನಪೀಠದಲ್ಲಿ ಕನ್ನಡ ಪ್ರಾಧ್ಯಾಪಕರಾಗಿ ಸೇವೆಸಲ್ಲಿಸಿ 1998ರಲ್ಲಿ ನಿವೃತ್ತರಾಗಿದ್ದಾರೆ. ಬಹುಮುಖ ಪ್ರತಿಭೆ, ಅಪರೂಪದ ಪ್ರಾಧ್ಯಾಪಕರು, ಬಹುಭಾಷಾಪಂಡಿತರು ಆಗಿರುವ ಪ್ರಧಾನ್ ಗುರುದತ್ತರು 150ಕ್ಕೂ ಮಿಗಿಲಾದ ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. ಸುಮಾರು ...
READ MORE
Concept & Creation 
©2024 Book Brahma Private Limited.
