ಸಿಡಿಲು

ತಂಗಾಳಿ ಬೀಸಿ ನನ್ನ ಮನದ ನೋವುಗಳೆಲ್ಲವನ್ನೂ ಹೊತ್ತೊಯ್ಯಬಾರದೇ ಎನಿಸಿತು
ಗಂಗಾಳಿಗೆ ಮಾಡಿದ ಮೋಸಕ್ಕೆ ಪ್ರತಿಫಲವು ಚಿತ್ತವಿಕಲವಾಗಿ ಬರಬಾರದೇ ಎನಿಸಿತು

ರಂಗು ರಂಗಿನ ಕನಸು ಕಂಡಿದ್ದ ಚೆಲುವೆ ಪೆದ್ದಿಯಾದರೂ ಮುದ್ದುಮುಖದಲ್ಲಿ ನಗುವಿತ್ತು
ಮಂಗಳನ್ನಾಗಿಸಿ ನಾನವಳನ್ನು ಕಿತ್ತು ನನ್ನಡಿಯಾಳಾಗಿ ಮಾಡಿಕೊಂಡಿರಬಹುದೇ ಎನಿಸಿತು

ಬಾ ಎಂದು ಕರೆದು ಕಲಿಸಿದವರ ವಿರುದ್ಧ ದ್ವೇಷವದೇಕೆ ನನ್ನ ಮಂಡೆ ಮೆಲ್ಲುತಿದೆ ತಿಳಿಯೆ
ಥೂ ನಿನ್ನ ಜನ್ಮಕಿಷ್ಟು ಬೆಂಕಿ ಇರಲೆಂದು ಎಲೆಯಡಿಕೆಯನಗಿದು ತುಪ್ಪಬಾರದೇ ಎನಿಸಿತು

ರಥಬೀದಿಯಲ್ಲಿ ಹೆಣವೆಷ್ಟು ಉರುಳಿರೆ ಮಸಣದಂತೆ ಹೂಳುವರೇನು ದಡ್ಡನೇ ನಾನು.
ತಥಾಕಥಿತ ಹೊಗಳಿಕೆಗೆ ಬಲಿಯಾಗಿ ಬಳಗದೊಳು ಬಿದ್ದು ಬಲಿಯಾಗಬಾರದೇ ಎನಿಸಿತು

ಹೊನ್ನಬೀದಿಯ ತುಂಬ ನನ್ನದೇ ಶವಯಾತ್ರೆ ಹೊರಟರೂ ಹೂಳುವುದು ಮಸಣದಲಿ
ಮಸಣಕೂ ಮನೆಗೂ ಭಿನ್ನತೆಯನರಿಯದವರ ಕಂಡು ಸಿಡಿಲ ನಗಬಾರದೇ ಎನಿಸಿತು

ವೈಲೇಶ್ ಪಿ ಎಸ್ ಕೊಡಗು