ನರಕ ದರ್ಶನ

ಎಂಥ ಘನಘೋರ ಭೀಕರ
ಈ ಸಂವತ್ಸರ
ಯಾರೋ ಹಚ್ಚಿದ ಕಿಚ್ಚಿಗೆ ನಾಶವಾಗುತ್ತಿದೆ ಮಾನವ ಸಂಕುಲ
ಜನಾರಣ್ಯಕ್ಕೆ ತಗುಲಿದ ಕಾಳ್ಗಿಚ್ಚು
ನಂದಿಸುವರು ಯಾರು, ಯಾವಾಗ
ಆ ದೇವರಿಗೆ ಗೊತ್ತು

ಅಕ್ಕಪಕ್ಕದಲ್ಲಿ ಅನಾಥ ಹೆಣಗಳ ಗಬ್ಬು ನಾತ
ಅಲ್ಲಲ್ಲಿ ಜೋತುಬಿದ್ದ ನಳಿಕೆಗಳ
ಜಾಲದಲ್ಲಿ ಜೈಲು ವಾಸ
ನಡುವೆ ಜೀವ ಉಳಿಸಿಕೊಳ್ಳಲು ಅವಿರತ ಹೋರಾಟ

ಯಾರಿಗೂ ಯಾರು ಇಲ್ಲವೆಂಬೂ ಅನಾಥ ಭಾವ
ವೈದ್ಯನೇ ಗತಿಮತಿ ದೇವೂಭವ,
ಸಮಯ ಸುಮಾರಾದರೆ
ಹಾರಿ ಹೋಗುವುದು ಜೀವ

ನಮ್ಮ ಜೀವಕ್ಕೆ ನಾವೇ ರಕ್ಷಕ
ಏನೇ ಆದರೂ ಮನೆ, ತನುಮನಕ್ಕೆ
ಚೇತೂಹಾರಕ!
ಹೇಗೆ ಬೇಕೋ ಹಾಗೆ ಹಾರಾಡಲು
ಗೃಹಾಕಾಶದಿ ಇದೆ ಅವಕಾಶ

ಹೊರ ಹೋಗುವ ಉಸಿರಿಗೆ ಮುಸುಕು
ತಿರುಗುವ ಕಾಲಿಗೂ ಕಡಿವಾಣ
ಹುಚ್ಚುಮನದ ಹಂಬಲಕ್ಕೆ ಮೂಗುದಾರ ಇದ್ದರಷ್ಟೇ ಉಳಿಗಾಲ

ತನ್ನ ದುರಾಸೆಗಾಗಿ
ಪ್ರಕೃತಿ ನಾಶ ಮಾಡಿದ
ಮಾನವನ ಬದುಕನು ಬಧಿರಗೊಳಿಸಲು
ಪ್ರಕೃತಿಯೇ ನೀಡಿದೆ
ಗೃಹ ಬಂಧನದ ಶಿಕ್ಷೆ
ಉಸಿರು ನಿಲ್ಲಿಸಲು ಪ್ರಾಣವಾಯುವಿನ ಕೊರತೆ