ನಡೆ-ನುಡಿ

ನಿಲ್ದಾಣ ಬಂದಾಗ
ನಾನಿಳಿದು ನನ್ನ ದಾರಿ ಹಿಡಿದೆ
ಚಪ್ಪಲಿ ಸವೆದಾಗ
ಹಿಂದಿರುಗಿ ನೋಡಿದೆ
ಬಲು ದೂರ ಬಂದಿದ್ದೆ
ಈ ನಡೆಗೆ ದಿಕ್ಕು ಇದೆಯೇ?
ಇನ್ನು ತಿಳಿದಿಲ್ಲ ಮನವೆ

ನುಡಿಯಲ್ಲೂ ಅಷ್ಟೆ
ನನ್ನ ಸರದಿ ಬಂದಾಗ
ಎದ್ದು ನಿಂತು ನುಡಿಯಲಾರಂಭಿಸಿದಾಗ
ಆರಂಭಕ್ಕೂ, ಅಂತ್ಯಕ್ಕೂ ಸಂಬಂಧವೇ ಇಲ್ಲ
ಆದರೂ ನನ್ನೊಳಗೊಂದು
ಅಭಿಮಾನ, ಸ್ವಾಭಿಮಾನ
ನಡೆ-ನುಡಿ ನೇರವಾಗಿಯೇ ಇದೆ
ಮೂಕಾಭಿಮಾನಕ್ಕೆ ನಾಂದಿ ಹಾಡಬೇಕಿದೆ

ನಡೆದರೆ, ನುಡಿದರೆ
ದೇವರೇ ಮೆಚ್ಚಬೇಕು
ಬಸವಣ್ಣನ ನುಡಿ
ಮನದಲ್ಲಿ ಅಚ್ಚಳಿಯದೆ ಉಳಿದಿದೆ

ಇಲ್ಲಿನ ದಾರಿಹೋಕ ನಾನು
ನಡೆಯಲೇ ಬೇಕು
ನುಡಿಯಲೇ ಬೇಕು
ಇಲ್ಲಿ ನಡೆದಷ್ಟು-ನುಡಿದೆಷ್ಟು ಪ್ರಯೋಜನವೆಷ್ಟು?
ನನ್ನ ನಡೆ-ನುಡಿಗಳೆಲ್ಲವೂ
ಅನಾವರಣ ಮಾಡುತ್ತಿವೆ
ನನ್ನ ವ್ಯಕ್ತಿತ್ವವನ್ನು
ನಾನು ವಿರಮಿಸುವೆ ನನ್ನ ನಡೆ-ನುಡಿಗೆ
ನಾಂದಿ ಹಾಡಿ ಅಲ್ಲ

ವಿದಾಯ ಹೇಳಿ
ಮತ್ತೆ ನೇರ ನಡೆ ನುಡಿಯ
ದಾರಿ ಹಿಡಿಯಲು...