ಮೈಸೂರಿನ ಸೊಬಗು

ಏನು ಚಂದೋ ಅದೇನು ಅಂದವೋ
ಮೈಸೂರಿನ ಸೊಬಗು ಮರೆಯದ ನೆನಪು ಚಾಮುಂಡಿಬೆಟ್ಟದ ತಾಣದ ಬೆರಗು
ನೋಡಲು ಸಾಲುವುದಿಲ್ಲ ಎರಡು ಕಣ್ಣು ||

ಸುಂದರ ಅರಮನೆಯ ನೋಟ
ಮೃಗಾಲಯದಲ್ಲಿ ಪ್ರಾಣಿ-ಪಕ್ಷಿಗಳ ಆಟ
ನಂದಿ ವಿಗ್ರಹದ ನೋಟ
ಕಣ್ಣುಗಳಿಗೆ ಆನಂದದ ಊಟ ||

ಚಾಮುಂಡಿ ತಾಯಿಯ ದರ್ಶನ
ನೋಡುಗರ ಮನ ಪುಳಕಿಸುವುದು
ತಾಯಿಯ ದರ್ಶನ ಮಾಡಲು
ಕಾಯುತ್ತಿರುವುದು ಎಲ್ಲರ ಮನವೂ ||

ಸಂಸ್ಕೃತಿ ನೆಲೆಯ ತವರೂರು
ಸಾಹಿತ್ಯ ಕ್ಷೇತ್ರದ ಕವಿಗಳು ಇಲ್ಲಿ ನೂರಾರು
ಸ್ನೇಹದಲ್ಲಿ ಮೈಸೂರಿಗೆ ಸಮನಾರು
ಇಲ್ಲಿ ಮಾತೃ ಹೃದಯದ ಜನರು ||

ದಸರಾ ವೈಭವದ ನಾಡು
ಕಲೆ-ಸಂಸ್ಕೃತಿಯ ಬೀಡು
ರಾಜವಂಶದ ಪರಂಪರೆಯ ಊರು
ಇದುವೇ ನಮ್ಮ ಹೆಮ್ಮೆಯ ಮೈಸೂರು ||

- ಮೊಹಮ್ಮದ್ ಅಜರುದ್ದೀನ್