ನನ್ನ ಅಮ್ಮನ ಜನ್ಮದಿನ 

ಅಮ್ಮಾ
ಒಡಲಾಳದ ಕನಸಿನ ಸೊತ್ತು
ಉದರ ಗರ್ಭದೊಳೆನ್ನ ಹೊತ್ತು
ತಿರುಗಿದೆ ನೀನು ತಿಂಗಳೊಂಬತ್ತು
ಮಡಿಲಿಗಿಳಿಸಿದೆ ನೀ ಜೀವವನಿತ್ತು

ನನ್ನ ಜೀವ ಧರೆಗಿಳಿವ ಹೊತ್ತು
ನಿನ್ನ ಜೀವನವೇ ಪಣವಾಗಿತ್ತು
ಅಮ್ಮಾ ಆ ಸ್ಪರ್ಶದೊಳಗೇನಿತ್ತು
ಎಲ್ಲವನು ಮರೆತೆ ನಾ ಅತ್ತು ಅತ್ತು

ನಾ ನಿನಗೆ ನೋವುಣಿಸಿದ ಕ್ಷಣ
ಈ ದಿನ ನಿನ್ನ ಪುನರ್ಜನ್ಮ ದಿನ
ಎನಗೆ ಜನ್ಮ ನೀಡಿದ ಶುಭ ದಿನ
ನನಗೊಂದು ವಿಳಾಸ ವಿತ್ತ ಮನ

ಕಣ್ಮರೆಯಾಗಿ ಹೋದರೇನೀಗ
ಬಂದುಬಿಡು ಮಗಳಾಗಿ ಬೇಗ
ಋಣವ ತೀರಿಸುವ ಮಹದಾಸೆ
ಅಳಿಸದಿರೆನ್ನೆಯ ಮೋಹ ಪಾಶ

ಮಾಯಾ ಮಾತೆಯೇ ನೀನು
ಕಾಯಕ ಮರೆಸಿದ ನೋವುಗಳೇನು
ನಿನ್ನ ಕಣ್ಣೀರ ಧಾರೆ ನೋವುಗಳನು
ದಾರಿ ತಪ್ಪಿಯೂ ಬರದಂತೆ ಕಾಯುವೆನು

(ತಮಿಳು ಮೂಲ:- ಪೆರುಮಾಳ್ ಲಕ್ಷ್ಮಣನ್)

ಕನ್ನಡ ಅನುವಾದ :- ವೈಲೇಶ್ ಪಿ ಎಸ್ ಕೊಡಗು.