ಬೆಂಗಳೂರು: ಕರ್ನಾಟಕ ಪ್ರೆಸ್‌ ಕ್ಲಬ್ ಕೌನ್ಸಿಲ್ ಅಂತಾರಾಷ್ಟ್ರೀಯ 2ನೇ ವಿಶ್ವ ಕನ್ನಡ ಹಬ್ಬದ ಸಲಹಾ ಸಮಿತಿ ವತಿಯಿಂದ ಸಿಂಗಪುರದಲ್ಲಿ 9.11.2024ರಂದು ಆಯೋಜಿಸಿದ್ದ ಎರಡನೇ ವಿಶ್ವಕನ್ನಡ ಹಬ್ಬದ ಕುರಿತು ಪತ್ರಿಕಾಗೋಷ್ಠಿಯನ್ನು ಹಮ್ಮಿಕೊಳ್ಳಲಾಯಿತು.

ಕಾರ್ಯಕ್ರಮದ ಸರ್ವಾಧ್ಯಕ್ಷರಾದ ಸಿ. ಸೋಮಶೇಖರ್ ಮಾತನಾಡಿ, "ಸಿಂಗಪುರದಲ್ಲಿ ವಿಶ್ವ ಸಮ್ಮೇಳನ ಮಾಡಿದ್ದು ದೊಡ್ಡ ಯಜ್ಞ ಎಂದೇ ಹೇಳಬಹುದು. ನಮ್ಮ ತಂಡ ಹಗಲಿರುಳು ಶ್ರಮಿಸಿ ಈ ಕಾರ್ಯಕ್ರಮವನ್ನು ಯಶಸ್ವಿಯಾಗಿಸಿದೆ," ಎಂದರು.

ಕರ್ನಾಟಕ ಪ್ರೆಸ್ ಕ್ಲಬ್ ಕೌನ್ಸಿಲ್ ರವರು ಕನ್ನಡ ಸಂಘ ಸಿಂಗಪುರ ರವರ ಸಹಯೋಗದೊಂದಿಗೆ ಸಿಂಗಪುರದಲ್ಲಿ ಆಯೋಜಿಸಿದ್ದ ಎರಡನೇ ವಿಶ್ವಕನ್ನಡ ಹಬ್ಬವು ಅದ್ಧೂರಿಯಾಗಿ ನೆರವೇರಿತು. ಸಿದ್ದಿ ಜನಾಂಗದ ಬುಡಕಟ್ಟು ಕಲಾವಿದರನ್ನು ಗುರುತಿಸಿ ವಿದೇಶದಲ್ಲಿ ನಡೆದ ವಿಶ್ವ ಕನ್ನಡ ಹಬ್ಬದ ಕಾರ್ಯಕ್ರಮದಲ್ಲಿ ಮೊದಲ ಬಾರಿಗೆ ಅವರಿಗೆ ಅವಕಾಶ ಕಲ್ಪಿಸಿಕೊಟ್ಟದ್ದು ವಿಶೇಷವಾಗಿತ್ತು. ಸಿಂಗಪುರದ ಪೊಂಗಲ್ ನಗರದಲ್ಲಿರುವ ಗ್ಲೋಬಲ್ ಇಂಟರ್ನ್ಯಾಷನಲ್ ಸ್ಕೂಲ್ ನ ಸಭಾಂಗಣದಲ್ಲಿ ನಡೆದ ಈ ಕಾರ್ಯಕ್ರಮ ಅದ್ಭುತವಾಗಿ ಮೂಡಿಬಂತು.

ಸಿಂಗಪುರದ ಸಂಸದರಾದ ವಿಕ್ರಮ್ ನಾಯರ್, ಮಹರ್ಷಿ ಆನಂದ್ ಗುರೂಜಿ, ಇಸ್ರೋ ವಿಜ್ಞಾನಿಗಳಾದ ತಿರಣ್‌ ಕುಮಾರ್, ಕಾರ್ಯಕ್ರಮದ ಸರ್ವಾಧ್ಯಕ್ಷರಾದ ಸಿ. ಸೋಮಶೇಖರ್, ಕರ್ನಾಟಕ ಪ್ರೆಸ್‌ ಕ್ಲಬ್‌ ಕೌನ್ಸಿಲ್ ಅಧ್ಯಕ್ಷರಾದ ಟಿ ಶಿವಕುಮಾರ್‌ ನಾಗರ ನವಿಲೆ ಸಿಂಗಪುರದ ಕನ್ನಡ ಸಂಘದ ಅಧ್ಯಕ್ಷರಾದ ವೆಂಕಟರತ್ನಯ್ಯ ಶ್ರೀ ಪ್ರಸಾದ್ ಗುರೂಜಿ ಶ್ರೀ ಬಸವ ರಮಾನಂದ ಸ್ವಾಮೀಜಿ ದಿನೇಶ್ ಜೋಶಿ ಚಲನಚಿತ್ರ ನಟರಾದ ವಸಿಷ್ಠ ಸಿಂಹ ಹರಿಪ್ರಿಯ ಈ ಗಣ್ಯರು ಆಗಮಿಸಿದ್ದರು.