ಬಹು ನಿರೀಕ್ಷಿತ ಪುಣೆ ಪುಸ್ತಕೋತ್ಸವ 2024ಅನ್ನು ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಅವರು ಡಿಸೆಂಬರ್ 14 ಶನಿವಾರದಂದು ಫರ್ಗುಸನ್ ಕಾಲೇಜು ಮೈದಾನದಲ್ಲಿ ಉದ್ಘಾಟಿಸಲಿದ್ದಾರೆ.

ನ್ಯಾಷನಲ್ ಬುಕ್ ಟ್ರಸ್ಟ್ (ಎನ್‌ಬಿಟಿ) ವಿವಿಧ ಸಾಂಸ್ಕೃತಿಕ ಮತ್ತು ಸಾಹಿತ್ಯ ಸಂಸ್ಥೆಗಳ ಸಹಯೋಗದೊಂದಿಗೆ ಆಯೋಜಿಸಿರುವ ಈ ಉತ್ಸವವು ಓದುವ ಸಂಸ್ಕೃತಿಯನ್ನು ಉತ್ತೇಜಿಸುವ ಮತ್ತು ಸಾಹಿತ್ಯಿಕ ಚರ್ಚೆಗಳ ಒಂದು ವೇದಿಕೆಯಾಗಿದೆ. ಪುಣೆ ಪುಸ್ತಕೋತ್ಸವವು ಡಿಸೆಂಬರ್ 14 ರಿಂದ ಡಿಸೆಂಬರ್ 22 ರವರೆಗೆ ನಡೆಯಲಿದ್ದು, ಪುಸ್ತಕ ಮಳಿಗೆಗಳು, ಲೇಖಕರ ಸಂವಾದಗಳು, ಕಾರ್ಯಾಗಾರಗಳು ಮತ್ತು ಸಾಂಸ್ಕೃತಿಕ ಪ್ರದರ್ಶನಗಳು ಸೇರಿದಂತೆ ಹಲವಾರು ಕಾರ್ಯಕ್ರಮಗಳನ್ನು ಇಲ್ಲಿ ನಡೆಯುತ್ತದೆ.

ಪುಣೆ ಪುಸ್ತಕೋತ್ಸವದ ಮುಖ್ಯ ಸಂಘಟಕ ರಾಜೇಶ್ ಪಾಂಡೆ ಅವರು ಉದ್ಘಾಟನಾ ಸಮಾರಂಭದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಪುಣೆಯ ಜನರನ್ನು ಕೋರಿದ್ದಾರೆ. ಇದೊಂದು ಸಾಹಿತ್ಯದ ಮುಖ್ಯ ವೇದಿಕೆಯಾಗಿದ್ದು, ಬಹಳಷ್ಟು ಜನರನ್ನು ತಲುಪಲು ಸಹಕಾರಿಯಾಗಿದೆ ಎಂದು ತಿಳಿಸಿದ್ದಾರೆ.

ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರು ಉತ್ಸವವನ್ನು ಉದ್ಘಾಟಿಸುವುದು ಮಾತ್ರವಲ್ಲದೆ, ಪುಸ್ತಕ ಮಳಿಗೆಗಳಿಗೆ ಭೇಟಿ ನೀಡುತ್ತಾರೆ ಮತ್ತು ಬರಹಗಾರರು, ಪ್ರಕಾಶಕರು ಮತ್ತು ಸಾಹಿತ್ಯಾಸಕ್ತರೊಂದಿಗೆ ಸಂವಾದ ನಡೆಸಲಿದ್ದಾರೆ.