ಗಾಂಧೀಜಿ ನೆಲೆ

ಕಂಡ ಕನಸುಗಳ ಬಗೆಗೆ ಚರ್ಚೆ ನಡೆಯುತಿರುವಾಗ
ಗಾಂಧೀಜಿ ಬಂದರು ಆ ಒಂದು ದಿನ
ಅಧಿಕ ವರ್ಷದಲಿ ಸುಮಾರು ಮಾಹೆಗಳು ಕೊನೆಗೊಳ್ಳುತಿರುವಾಗ||ಪ||

ವಲಸೆ ಬಂದಿಹರೆಲ್ಲ ಸತ್ಯದ ಉಪವಾಸದಲಿ
ಕೂಡಿ ಬಾಳುವರಿಲ್ಲ! ಇಲ್ಲಿ ಎಲ್ಲ ಮಾನವರು!
ಮನದ ದೀವಿಗೆಯೊಂದು ಒತ್ತಿ ಪಸರಿಸುತಿದೆ ಆಂತರ್ಯದಲಿ
ವಲಸೆಯಾಗಿಹ ಮನವೇ ಸತ್ಯ ನೀನಾಗೆಂದು
ಸತ್ಯವನ್ನೇ ಆಗ್ರಹ ಮಾಡುತಿರುವಾಗ
ಗಾಂಧೀಜಿ ಬಂದರು ಆ ಒಂದು ದಿನ
ಗಾಂಧೀಜಿ ಬಂದರು ಆ ದಿನ ||೧||

ಸಮಾನತೆಯ ಸೃಷ್ಠಿಗೆಂದೆ ಜಗವು
ಮನವೇ ಅಸ್ಪೃಶ್ಯವಾಗಿದೆ ಇಂದು
ದೇವರಿಗೂ ಆಧಾರವಿದೆಯೇ ? ಈ ಮನದ ಬಿಡಾರದಲಿ !
ಇಲ್ಲಿ ಅಸತ್ಯಕೆ ಆಗ್ರಹವಿದೆ ಎಂದಾದಾಗ
ಗಾಂಧೀಜಿ ಬಂದರು ಆ ಒಂದು ದಿನ
ಗಾಂಧೀಜಿ ಬಂದರು ಆ ಮರುದಿನ||೨||

ಹಸಿವೆಂಬುದಿಲ್ಲಿ ಮಾರಾಣಾಂತಿಕ ದಯಿಸದ ಹಲ್ಲೆ !
ದಿವಿಜರಿರುವರೆಂಬುದ ನಂಬಿಕೆಗೆ ಕಾರಾಣಾಂತಿಕ ಬಗೆಹರಿಯದ ಕಲ್ಲೆ!
ನಂಬಿಕೆ ,ಸತ್ಯತೆಗೆ ನ್ಯಾಯವ ತೂಗಿ ಹಾಕಿಹರಿಲ್ಲಿ
ಮನದ ಧಾರುಣ ಸ್ಥಿತಿಗೆ ತನ್ನರಿವು ಇಲ್ಲದಿರುವಾಗ
ಗಾಂಧೀಜಿ ಬಂದರು ಆ ಒಂದು ದಿನ
ಗಾಂಧೀಜಿ ಬಂದರು ಮನದ ಸತ್ಯಾಗ್ರಹದಲಿ||೩||

ಮನದ ಗೋಡೆಯಲಿ
ಸತ್ಯಾನ್ವೇಷಣೆಯ ನಂಬಿಕೆ ಅಂಟಿಕೊಂಡಿರುವಾಗ
ಕೂಡಿ ಬಾಳುವವರಿಲ್ಲ !ಇಲ್ಲಿ ಎಲ್ಲ ಸಮರ್ಥರೇ?
ಮನದಂತರಂಗದ ದೀವಿಗೆ ಒತ್ತಿ ಪಸರಿಸಿ
ಸತ್ಯವ ಹುಡುಕುತಿರುವಾಗ
ಗಾಂಧೀಜಿ ನಡೆದರು ಮುಂದೆ ಬಾಲಕನಾಗಿ
ಗಾಂಧೀಜಿ ಮತ್ತೆ ಬಂದರು ಈ ಮನದ ಸತ್ಯಾಗ್ರಹದಲಿ ವಿಶ್ವಮಾನವದೆಡೆಗೆ ||೪||

~ಶ್ರೀಧರ ಜಿ.ಯರವರಹಳ್ಳಿ