ವಿಶ್ವಂಭರ

"ವಿಶ್ವಂಭರ" ಇದು ನಾ.ಮೊಗಸಾಲೆ ಅವರ ಕಾದಂಬರಿಯಾಗಿದ್ದು, ಈ ಕಾದಂಬರಿಯು ಶ್ರೀ ಚೈತನ್ಯ ಮಹಾಪ್ರಭುಗಳ ಜೀವನ ಮತ್ತು ಜೀವನದರ್ಶನದ ಅಧಿಕೃತ ದಾಖಲೆ ಎನ್ನಲಡ್ಡಿಯಿಲ್ಲ. ಸರಳವಾದ ಭಾಷೆ, ಚಿಕ್ಕ ಚಿಕ್ಕ ವಾಕ್ಯಗಳು ಮತ್ತು ಸಲಿಲವಾಗಿ ಓದಿಸಿಕೊಳ್ಳುವ ಶೈಲಿ ಈ ಕಾದಂಬರಿಯನ್ನು ಓದುಗರಿಗೆ ಹತ್ತಿರವಾಗಿಸುತ್ತವೆ. ಚೈತನ್ಯರ ದಿವ್ಯಾದ್ಭುತವಾದ, ಲೀಲಾಮಯವಾದ ಕಥನದಿಂದ ಕೃತಿಯು ಮನಮೋಹಕವಾಗಿದೆ. ಶೇಣೀಕೃತ ಸಮಾಜದ ಕೆಳವರ್ಗದ ಜನರಿಗೂ ಕೃಷ್ಣನಾಮ ಸ್ಮರಣೆಯ ಮೂಲಕ ಭಗವಂತನನ್ನು ತಲುಪಬಹುದು ಎಂಬ ಧೈರ್ಯವನ್ನು ತುಂಬಿ ತಮ್ಮ ಅನುಯಾಯಿಗಳನ್ನಾಗಿಸಿಕೊಳ್ಳುತ್ತಾ ಸಾಗಿದ ಚೈತನ್ಯರ ವಿವರಗಳು ಕಾದಂಬರಿಯಲ್ಲಿ ಬಹುಸೂಕ್ಷ್ಮವಾಗಿ ಹೊರಬಂದಿವೆ. ಒಟ್ಟಿನಲ್ಲಿ, ವಿಶ್ವಂಭರ ಕಾದಂಬರಿಯು ಭಕ್ತಿಪಂಥದ ಬಾಗಿಲನ್ನು ಸರ್ವರಿಗೂ ತೆರೆದಿಟ್ಟ ಶ್ರೀ ಕೃಷ್ಣ ಚೈತನ್ಯರ ಜೀವನ ದರ್ಶನವನ್ನು ಮಾಡಿಸುವುದರ ಜೊತೆಗೆ ಅವರ ಬದುಕಿನ ಧಾರ್ಮಿಕ, ಆಧ್ಯಾತ್ಮಿಕ, ಸಾಮಾಜಿಕ, ಸಾಹಿತ್ಯಕ ಆಯಾಮಗಳನ್ನು ಸಮರ್ಥವಾಗಿ ಕಟ್ಟಿಕೊಟ್ಟಿದೆ.