ಮೇಘಶ್ಯಾಮನ ಎದೆಗೆ
ರಾಧೆ ಒರಗಿಹಳು
ಎದೆಯ ಬಡಿತವ ಕೇಳುತಾ
ಕೆಂಪಗೆ ನಾಚಿಹಳು
ನಾಚುತ್ತಾ ಕನಸಿಗೆ ಜಾರಿದಳು|

ರಾಧೆಯ ಬಿಸಿಯುಸಿರು
ಎದೆಗೆ ಸೋಂಕಿರಲು
ಕೃಷ್ಣನ ಮೈಮನವು
ಭಾವ ಸರಿತೆಯಲಿ ಮಿಂದಿರಲು
ತುಟಿಗಳು ಮುತ್ತಿನ ಆಸೆ ಬಯಸಿದವು|

ಅವಳ‌ ಹಣೆಗೆ
ತುಟಿಯನ್ನೊತ್ತಿ ಮುತ್ತಿಟ್ಟನು
ಪ್ರೇಮಸುಧೆಯ ರಾಧೆಯ
ಮನಸ್ಸಿಗೆ ಹರಿಬಿಟ್ಟನು
ಅನುರಾಗದ ಅಲೆಗೆ ನೂಕಿದನು|

ರಾಧೆಯು ನಾಚಿ ಹೆಗಲ
ತೊರೆದು ತೊಡೆಗೆ ಒರಗಲು
ಕೃಷ್ಣನ ತುಟಿಯು ಅವಳ
ಬೆನ್ನಿಗೆ ಚುಂಬಿಸಿ ಮುಗಳ್ನಗಲು
ರಾಧೆ ಕೆಂಪಾಗಿ ನಾಚಿದಳು,
ರಾಧೆ ಕೆಂಪಾಗಿ ನಾಚಿದಳು..|

ಧನುಷ್ ರೆಡ್ಡಿ
ತ್ರಿಶಾ ವಿದ್ಯಾ ಕಾಲೇಜು, ಕಟಪಾಡಿ