ಅರಿಕೆಗೆ ಸಿಕ್ಕ ಪ್ರಕೃತಿ ಸೌಂದರ್ಯ | ದಿವ್ಯಾ ಕೆ
By Book Brahma ಬೆಟ್ಟದೆಡೆ ತಿರುಗಿ ನೋಡದೆ
ಹರಿವ ನದಿಗೆ ಆ ದಿನಗಳು ವರವೋ? ಶಾಪವೋ?
ಮುನಿಸು, ಹುಚ್ಚು, ಹರೆಯ ಎಲ್ಲ
ದುಮ್ಮಿಕ್ಕೋ ಪ್ರವಾಹ ಹೊಳೆಯದೇನು ಆ ಕ್ಷಣಕೆ,
ಧೋ ಎನ್ನುವ ಮಳೆಯೋಮ್ಮೆ
ಮರುಭೂಮಿ ಬಿರುಬಿಸಿಲೋಮ್ಮೆ
ಆ ದಿನಗಳು ಪ್ರಕೃತಿಗೆ ಮಾತ್ರ ವರ
ಆ ನದಿಗೇನಲ್ಲ ಅದಕೆ ಬರಿಯ ಯಾತನೆಯ ವರ…
ಕಾಡ್ಗಿಚ್ಚಿನ ಸಂಗ್ರಾಮ ಒಳಗೊಳಗೇ
ಮತ್ತೆಲ್ಲೋ ಹಾಡುಹಗಲ ಕಂಪನ
ಪ್ರೇಕ್ಷಣಿಯ ಕುಸುಮವೋ
ಕಾಡಬಳ್ಳಿಯೊ
ಯಾವುದಕ್ಕೂ ತಪ್ಪಿದ್ದಲ್ಲ ಈ ಯಾತನೆಯ ರಾಗ
ರುವಾರಿಗೆ ಮಾತ್ರ ಗೊತ್ತು ಹಿತಯಾತನೆ ಸುಖ
ನೋಡುವಕಂಗಳಿಗೆ ಅರಳಿದ್ದು ಮಾತ್ರ ಕಾಣುವುದು ಸಖ.
ದಿವ್ಯಾ ಕೆ. ಬೆಳಕಿನಕೊಂಡ
ಬಿ. ಎ 6ನೇ ಸೆಮಿಸ್ಟರ್‌
ಕರ್ನಾಟಕ ಕಾಲೇಜು, ಧಾರವಾಡ
