ಎಂದೋ ರಚಿಸಿದ ಬಣ್ಣ ಬಣ್ಣದ
ಕನಸುಗಳ ಚೀಲ
ಯಾರೋ ತುಂಬಿದ ಹಸಿ ಬಿಸಿ
ಉಸಿರಿನ ಭಾವ..

ಆ ಕನಸುಗಳಿಗೆ ಕನಸಾಗಿ
ತಂದೆಯಂತೆ ಹೊರುವ ಹೆಗಲಿಗು
ತಿಳಿದಿಲ್ಲ
ಅದು ತನ್ನದಲ್ಲವೆಂಬ ಸತ್ಯ

ಆ ಉಸಿರಿಗೆ ಉಸಿರಾಗಿ
ತಾಯಿಯಂತೆ ಪೊರೆಯುವ ಮೆದು ಸ್ಪರ್ಶಕೂ
ತಿಳಿದಿಲ್ಲ
ಅದು ತನ್ನದಲ್ಲವೆಂಬ ವಾಸ್ತವ..

ಆದರೆ ಹಸಿವೆಂಬ ಬೇತಾಳ ಒಮ್ಮೆ ಬೆನ್ನಟ್ಟಿದಾಗ
ಎಲ್ಲವು ವಿಧಿ ತೋರಿದ ಹಾಗೆ ಎಂಬ
ಸಮಧಾನದ ಮಾತೊಂದನ್ನೆ
ಹಿಂಬಾಲಿಸುವುದಲ್ಲವೇ..?
ಇಡುವ ಪ್ರತಿಯೊಂದು ಹೆಜ್ಜೆಯ ಗುರುತು
ಪ್ರತಿ ಧ್ವನಿಸುವ ಪ್ರತಿಯೊಂದು ಮುಗುಳುನಗೆಯ ಮಾತು

ಶಿಲ್ಪ ಬಿ
ಪ್ರಥಮ ಪಿ ಯು ಸಿ
ಶೇಷಾದ್ರಿಪುರಂ ಸ್ವತಂತ್ರ ಪದವಿ ಪೂರ್ವ ಕಾಲೇಜು