ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯದಲ್ಲಿ ಯಶಸ್ವಿಯಾಗಿ ನಡೆದ “ ಧ್ಯೇಯವಾಕ್ಯಾನಾಂ ವಿಶ್ಲೇಷಣಮ್ ”ಕಾರ್ಯಾಗಾರ
By Book Brahma ಬೆಂಗಳೂರು : ಭಾರತೀಯ ಭಾಷಾ ಸಮಿತಿ , ನವದೆಹಲಿ ಸಹಯೋಗದಲ್ಲಿ ಬೆಂಗಳೂರಿನ ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯದಲ್ಲಿ ಆಯೋಜಿಸಿದ್ದ 3 ದಿನಗಳ ಕಾರ್ಯಾಗಾರವನ್ನು ಧಾರವಾಡದ ಕರ್ನಾಟಕ ಕಾಲೇಜಿನ ನಿವೃತ್ತ ಪ್ರಾಧ್ಯಾಪಕರಾದ ಡಾ.ವೇಣಿ ಮಾಧವ ಶಾಸ್ತ್ರಿ ಉದ್ಘಾಟಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯದ ಮಾನ್ಯ ಕುಲಪತಿಗಳಾದ ಪ್ರೊ ಎಸ್. ಅಹಲ್ಯಾ ರವರು ವಹಿಸಿದ್ದರು. ಭಾರತದ ಹೃದಯದಲ್ಲಿದೆ ಭಾರತೀಯ ಸಂಸ್ಕೃತಿ, ಈ ಹಿನ್ನೆಲೆಯಲ್ಲಿ ಸಂಸ್ಕೃತದ ಅರ್ಥ ವಿಸ್ತಾರವನ್ನು ಒಳಗೊಂಡ ಧ್ಯೇಯ ವಾಕ್ಯಗಳನ್ನು ವಿಶ್ಲೇಷಿಸಿಸುವ ಸದಾವಕಾಶ ನಮಗೆ ದೊರಕಿರುವುದು ಸಂತೋಷದ ವಿಷಯವಾಗಿದೆ. ಸಂಸ್ಕೃತದ ಆಳ ಮತ್ತು ಅಗಲವನ್ನು ದೇಶಕ್ಕೆ ಹಾಗೂ ಜಗತ್ತಿಗೆ ತಿಳಿಸುವ ಒಂದು ಅವಕಾಶ ನಮಗೆ ದೊರಕಿದೆ ಎಂದರು.
ಈ ಕಾರ್ಯಕ್ರಮದಲ್ಲಿ ನಿವೃತ್ತ ಪ್ರಾಧ್ಯಾಪಕರಾದ ಡಾ. ವೇಣಿಮಾಧವ ಶಾಸ್ತ್ರೀ, ವಿವಿ ಕುಲಪತಿ ಡಾ. ಎಸ್. ಅಹಲ್ಯಾ, ವಿಶ್ವವಿದ್ಯಾಲಯದ ಅಧ್ಯಯನಾಮಗದ ನಿರ್ದೇಶಕ ಪ್ರೊ.ವಿ.ಗಿರೀಶಚಂದ್ರ ಹಣಕಾಸು ಅಧಿಕಾರಿ ಎಸ್. ಕುಮಾರ್ ಇತರರು ಉಪಸ್ಥಿತರಿದ್ದರು.
