ವೆಂಕಟೇಶ ಪಿ. ಮರಕಂದಿನ್ನಿ ರಾಯಚೂರು ಜಿಲ್ಲೆಯ ಮಸ್ಕಿ ತಾಲೂಕಿನ ಮರಕಮದಿನ್ನಿಯವರು. ಇವರ ಹೆಸರಿನ ಕೂಡ ಅಕ್ಷರ ‘ವೆಂಪಿಮ’ ಎನ್ನುವುದು ಇವರ ಕಾವ್ಯನಾ ಮ. ಜೀವ ವಿಜ್ಞಾನ ವಿಷಯಗಳಲ್ಲಿ ಬಿ.ಎಸ್ಸಿ ಪೂರ್ಣಗೊಳಿಸಿದ ಇವರು, ಬೆಂಗಳೂರು ನಗರ ವಿಶ್ವವಿದ್ಯಾಲಯದಿಂದ ಬಿ.ಇಡಿ ಪದವಿ ಪಡೆದಿದ್ದಾರೆ. ಶಾಲಾ ವಿದ್ಯಾರ್ಥಿ ದಿನಗಳಿಂದಲೂ ಕವಿತೆ ರಚನೆಯಲ್ಲಿ ತೊಡಗಿರುವ ವೆಂಪಿಮ, ಆಲ್ಬಮ್ ಗೀತ ರಚನೆ ಕ್ಷೇತ್ರದಲ್ಲಿ ಸಕ್ರಿಯವಾಗಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ ಇವರ ರಚನೆಯ ‘ಒಂಟಿಯಾನ’ ’ಚಂದ್ರಾನ ಮುಖದಾಕಿ’ ‘ಸಾಗರಿ’ ಸೇರಿದಂತೆ ಹತ್ತಾರು ಹಾಡುಗಳು ಯೂಟ್ಯೂಬ್ ಮಾಧ್ಯಮದಲ್ಲಿ ಲಕ್ಷಗಟ್ಟಲೆ ವೀಕ್ಷಣೆ ಕಂಡಿವೆ ‘ಪಡಸಾಲಿ’ ಇವರ ಚೊಚ್ಚಲ ಕೃತಿ, ಈ ಕೃತಿ ಕರ್ನಾಟಕ ಸರ್ಕಾರ ಕನ್ನಡ ಪುಸ್ತಕ ಪ್ರಾಧಿಕಾರದ 2021ನೇ ಸಾಲಿನ ಯುವ ಬರಹಗಾರರ ಚೊಚ್ಚಲ ಕೃತಿಗೆ ಪ್ರೋತ್ಸಾಹ ಧನ ಪಡೆದಿದೆ. ಇವರ ಕೆಲವು ಕವಿತೆಗಳು ‘ಅವಧಿ’ ‘ಹೊನಲು’ ‘ಬುಕ್ ಬ್ರಹ್ಮ’ ಸೇರಿದಂತೆ ಹಲವು ಕನ್ನಡ ಇ-ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.